ألموشح في ألشعر ألشعبي
 

الموشح في الشعر الشعبي

==================
كطعت اوتار كلبي بالخصام
=


بيش اعزفلك بعد لحن الغرام
=


اعتب اوأدري العتب ماينسمع
=


اولا يحن كلبك بزخات الدمع
=


ماشفت والله مثل طبعك طبع
=


لاتفيد اوياك حسره اولاسلام
=


كلي من ياطينه كلبك ياترف
=


لاأجي ابالك ولا عينك ترف.
=


هاي حالاتك أبد ماتنوصف
=


تمر بيه ابلا سلام اولاكلام
=


ياحبيبي الساني مل امن العتاب
=


وانت ساكت لاسؤال اولاجواب
=


رايح اسكت وادري بالسكته عذاب
=


واليعذب كلب محبوبه حرام
=================

--------------------------------------------------------------------

رد: ألموشح في ألشعر ألشعبي