|
جــــــــــــــــرح وهلاهــــــــــــــل
جـــرح وهلاهــــــــل
الى الشهيد وضاح لا تضمدلي الجرح خل جرحي ينزف خله يكَطر دمه الأحمر فوكَ رايات الوطن يرسم جواكيج ومناجل ....... حتى تصعد للسما الرايات وترف لا زلم منا التخاف ولا كَلوب العدنا ترجف منك تعلمنا .....يوسف لما نصعد عالمشانق ............. نبقى نهتف لا تضمدلي الجرح خل جرحي ينزف خله يرسم فوكَ رحلات المدارس شمس وزهور وسنابل أقلام بجفوف الزغار أزنود عامل خله يرسم وجه ( وضاح ) المناضل وي نجمات الصبـــــــــح وبنصهن أحديثاتنــــــــا ...........يطشن هلاهل وجناح فراشه يرفرف لا تضمدلي الجرح خل جرحي ينزف خله يرسم فوكَ كَصبات الصرايف نخل برحي وغصن زيتون وحمام وبسمه يرسمها على أشفاف الأيتام وشمس حمـــــــــره بنورها تزيح الظلام أوطن من زاخو لحد الفاو وترف بسماه راية سلام ترف بسماه راية ســــــــــــلام |
رد: جــــــــــــــــرح وهلاهــــــــــــــل
الرائع
ارقم احمد كاظم اهلا بك اخي احمد واحساسك الجميل بالوطن رحم الله شهدائنا قصيدتك تعتلي على الشعر والمشاعر سطرتها بصدق الوفاء للصديق والمواطنه التي تحملها دمت قلما واسما تحياتي لك وكل التقدير |
رد: جــــــــــــــــرح وهلاهــــــــــــــل
الشاعر العزيز والغالي دمت ودامك ابداعك في سماء منتدانا الغالي قصيدة جميلة ورائعة بالتوفيق والى الامام دائما تحياتي واحترامي |
رد: جــــــــــــــــرح وهلاهــــــــــــــل
لا تضمدلي الجرح خل جرحي ينزف ما يفيده الشل ولا فاده الدوه شنهي يرجع عمري وارجع من جديد مثل ما جنا نرد احنا سوه يا عمل يرضي الله بس صعب الفراق ادري بيك هناك تشتم الهوه القدير ارقم احمد سطور رائعة وصادقة جعلتنا من المتابعين لها لاخر حرف تحياتي وتقديري وشكرا لك على السؤال |
رد: جــــــــــــــــرح وهلاهــــــــــــــل
رحم الله جميع الشهداء وأسكنهم جنانه ولأرواحهم أقول : كُلِّش حلوة موتتهم **** ويامحلاها زفّتهم فرحانين عرسانج **** والجنة عروستهم يامحلاها موتة عز **** شهادة وللقلوب تهز شوف العادي صار يفز **** ومايتمنى شوفتهم |
رد: جــــــــــــــــرح وهلاهــــــــــــــل
ظل مشغول بالي عليك يا .. ارقم عساك بخير وحنه نريد بس نعلم صار هواي غايب واحنه مشغولين نريدك وانت اخونه وترجع ونلتم تحياتي لك |
| الساعة الآن 05:38 AM. |
Powered by vBulletin® Version 3.8.9 Beta 3
Copyright ©2000 - 2026, vBulletin Solutions, Inc.