غرامك غالي كلفني غرامات سهر ودموع من اشتاك ادفعهن
يانبرة حياتي بصوت مبحوح صرت كلمات اخرس ياهو يسمعهن
اشواكي جهال ورادن العيد بوكت عاشور كلي شلون اقنعهن
يانضرات عيني الآخر الناس ومن تبعد عليه عيوني تشلعهن
تشمرني وراك وجني لاشئ وانت اشيائي كلهن بيك اجمعهن
تستنسخ بكلبي وتطبع جروح وبخدك انه البوسات اطبعهن
انته حبال هجرك جتفني جتاف وانه حبال ودي شبيك تكطعهن
جنت تبجي وزرعت البسمه لشفاك واذا اضحك دموع بعيني تزرعهن