حبك يمنيني .....
أريد أحسم أمري وياك …لاتعذبني
جسر مودة وياك أريد وأريدك وياي تبني
لا تكطع صلاتي بيك … طول البعد بيك يمرمرني
بالي بيك مشغول وفكري بيك شاغلني
مسافات البعد عنك عذاب يئلمني
أحبك من صدك أحبك … لخاطري أفهمني
زرعت عشكك بدمي …وحبك ساري بشراييني
لو أكطع وريد يصيح أسمك
مجنون أشما تسميني
ريت العمر ما يمشي من غيرك
وحدي لا تخليني
شيلي بيه العمر دونك
وألك أجمع كل أيامي وسنيني
عين ال ما تشوفك وسفة
ولشوفك تحسدني عيني
الك رايات أعلك بالسما وفوك النجم
مرادي أنت ينطيني
و أنت المنى شما تكون
بس بهواك منيني
لا تستخف بحالي عاشك وولهان
بيك وبحبك تدريني
أسف ياحظي ما عرفتك من زمان ومن دونك دارت طواحيني
ونواعير الحب جفتني و أدلالي و بساتيني
لآن زرع حبك ثمر وكهوة عشكك صارت هيلي ورياحيني
بعد أشلون أتصبر و ألم نفسي
وأضمد جروحي ومنو غيرك يشفيتي
أعيش العمر معلول بهواك
وعذابك بلسم وطيب يداويني
نسيت أسمي بهواك
لان كل حرف من أسمك ينسيني
وحتى اتذكره ريتك تغلط وبيه تناديني