الفيضان / للشاعر ابو عمار الربيعي
---------------------------
وعيونه مسلهمه وفتشت من الصوت
ناشر كذلته وهايم بعزف الناي *&*
ياصوت الربابة وهزت الصفصاف
يامشحوف اهلنا الركص ويه الروج
يابنيه خضره بلون عود الكاط
ياكطان دهله اليلعب وياالروج
لعبة مسعدة اعلى الثاي *&*
ضلت يابسة شطوط العمارة سنين
ياذلة ابنادم والوكت صيهود
نعمه امن العزيز المطر جاب الماي
بيه العجد والبني ودجاج الماي*&*
ديرتنه عزيزة وتعجب الخطار
وجاليها رهيف ويحضن الخيال
ومضايف زاهره ودلال فوك دلال
والموحان رد للجالي والموال
اصيحن حيل خدري الشاي يماي*&*
وذكنا الماي بعد العطش يماي *&*
وصار الماي فوك الماي يماي *&*
اغني اهواي عمي اهواي يمه اهواي
------------------------------
المجر الكبير في 7/2 / 2013 ميلادي