يا هور (االصحين) الخانك المـاي
لجيبنلك علـگ من حضرة حسين
عساك تطيب ويطـگ دهله جاليك
ويرد الهـور وترد الـگواهين
وترد جلمة الطيبه
وخـوة الناس
وترد هيبة اليحجون بدواوين
ويرد بخت المظيف
ويحجي الوجاغ
وتدنك دلاله تبوس الفناجين
سهله هاي عـد حسين وتهـون
حسين بدمه رجـّع هيبة الدين
( وبعد شهرين من القاء هذه القصيدة وغمرت مياه الدهله الهور عدت اليه بكلام آخر )
ياهور اهلنه مبارك بثوب الجديد
شكد حلو ثوبك الدهله اللابسه
وداه الك ربك هدية من السمه
وحسين هوه القايسه
حسين هوه العلمك
تصبر على سنين العطش
وتضحك مكابر وانت كاعك يابسه
ناسك نست لون الخضار
وخاوت السبخه وتنخت بالماح
مايك بطه وردت الوادم آيسه
والله حلم..
رديت وشمحلاك من رديت يا ماي الهجر جالية
هلهلن يعروك الكصب
دكن ينهران السلف جوبيه
................... الخ للقصيدة بقية
تحياتي لك أخي علي كاظم ... يا مبدع
ابراهيم الغــراوي:1 ):