مســافــر
-----------------
رحت بطرگ ثـوب وسفـر ؟
خليته ﮔـلبي عـدكم
مجبـور هالساعة ارتحل
مو عمـدن مفــاركم
ولا عيني وكحـه ورايـده تصاددكم
أذكركم ..
خل الزمان شما محـا من رسومكم
فوگ الـجفوف أرسمكم
غالين ..
واليشري بغلا..
ما تهونلـه بديرة رخص يرخصكم
ولو ذكرياتي مولحت..
أحفر دوايـه عيوني وأشتلكم
خضرولي..
خضروا على عيوني ملح ميخـالف
خضروا على جروحي جـرح ميخالف
تلجـمونا ونلجمكم
وشـﮔد لذيذه الآخ ....
لو جرحك غفه بصف جـرحي
ودمه اختلط وي دمكم
طيبين ..
يا طيبـة نخلنه وماينه وديرتنا
نشتاﮔ الكم ..
للفناجين
التبوس شفافكم
من تنترس ربعـتكم
انرد الكم ..
يا طيبة البيمكم يهلنا
شـلون ما نرد الكم ؟
باجــر نجــي ..
وخطواتنا مسافات
وبعيونا ابتسامات
نرد الكم
وان ﭽــان ثـﮔـل فراكم ..
سوّد اطباع ﮔـلوبنا..
نزرع جديدة ﮔـلوب ونواددكم
وعيونكم لو شالت علينا زعـل..
يكبر عطشنا وينكسر خاطركم
انرد الكم..
انرد هذولاك الزرعتونـه وفـه
وردة صبح ...
وأنتم نـداها ...
وروحي مشتاﮔــه الكــم