عيدك امبارك بالفرح *** دلالي ياولفي انشرح
طير السعد غنه وصدح *** بالعيد كل الالحان
//////////////////////////////////////
هليلة احلام العمر *** بيها نشوف اللي يسر
واعله الليالي تفتخر ***منريد واحد زعلان
/////////////////////////////////////
هليله وافانه الترف *** منريد لوم ولا أسف
والفرح كلي بياوصف *** توصفه لو تكدر جان
/////////////////////////////////////
فرحانه بالعيد البشر *** والليله تكضيها ابسهر
واللمه مامنها مفر *** نجتمع كلنا ابديوان
/////////////////////////////////////
يارب ديمينه السعد *** ونعيش بفراح ورغد
ومنشوف احزان ونكد *** وتفرح جميع الخلان