الوطن يبقى الأمل
\

أحلم أشوف الفرح لمن يدك الباب
مشتاگة ريحة هلي مشتاگة للأحباب
والروح ظلت تون تسأل على الغِيَّاب
والجرح لما بعدت لسة بعد ما طاب
صايرلي مثل البحر لمن صفينه اغراب
والدرب كلش طول والحرف صارعتاب
والعتب بس للوجع كلشي العتب ما جاب
والوجع لمن كُبر حتى الگلب هم شاب
الشوگ عندي كبر حروفي غدن عطاب
لماي الفرات العذب ولعنبر المشخاب
والتمر مال النخل من بصرة السياب
محتاجة طيبة گلب والزمن هم دولاب
دنياي تفتر عكس ثاري الوگت چذاب
والصبر مني هرب يتلفت ومرتاب
أتمنى تفرج بعد وأعرف شنو الأسباب
الشعب ضيم وهضم من دخلوا الاغراب
كلمن أخذله كُتر ثاريها شرع الغاب
خاف احچي عنه بألم يا مكثر الخطاب
الوطن يبقى الأمل مني أبد ما غاب
منهو اليداوي الجرح وينطيني چف تراب
\
20\10\2013
عواطف عبداللطيف