ماتنسمع رحاي / اعداد ابو عمار الربيعي
------------------------
ما تنسمع رحاي بس ايدي ادير
أطحن بكايه الروح موش أطحن اشعير
*****
أطحن واكضي الليل عن المريده
بالكذله أصبح شيب من مدة ايده
*****
موش أطحن شعيرات أطحن بهمك
أكعد ودور الروح تلكاهه يمك
*****
ما تنسمع رحاي بس بجيي مسموع
جاتلني والله هواي ما منه مرجوع
*****
متحزمه وانكل شوك (للفود)أدفيه
بغشيش ألك يالموت؟من عندي دخفيه
*****
ضيجة خلك بالبيت رجلي آنه اشوفه
صاحت علي الناس جن أرد اعوفه
*****
الودر. ؟ جاني ينام والشمس عدله
والله بجلب مجلوب لوصح أبدله
------------------