ياعراق الخير بيك آنه همت = حبك بشرياني يجري والكلب

بليلي من فركاك ساعه مانمت = عيوني أنت وبيها انه أشوف الدرب

دربي أظلم وأنته الي بيه الضوه = وكلبي غير عراكي ابدا ماهوه

انته لب الدنيا والباقي نوه = مالي مهجه وبس دمع عيني يصب

يصب دمعي وبللت بيه الأرض = وريت كلمن حاربك ماله عرض

حبك علي غده مثل الفرض = ونار حبك بالحشا ظلت تشب

تشب نارك وكطعت كل الرجه = وآنه أشوف اعداك هاي مهرجه

والأمل تانيته لكن مااجه = ليش هيجي ياوطن شنهو الذنب

شنهو ذنبك وانت النطيت العلم = للبريه وأسست درب السلم

تالي جاهل يجي يعادي بلا فهم = هذا ياذي ويجلب النه كل تعب

التعب جابه بي بكينه بلأمل = مصممين اعله العمل وبلا وجل

وهلبشر بينه تجي وتضرب مثل = ودمع فرحتنه صدك والله انسجب