حُرگة

\
گلبي تمرمر وانچوه شنهو اليداوي حُرگته
دكاته صارن ها كثر واشلون اسَكَّتْ دگته
ناشدت كل روج البحر بلكي يوصل ونته
طشار صارت ونتي تنطر ترة بس شوفته
حُبك ترة هواية صعب بس هو راضي بقسمته
مو غصب ياعمري أبد بس هذي هي رادته
وآني زرعته بكل كُتر ما ادري خلصت مدته
والگمر يسأل والنجم گالولي شنهو قصته
والدمع خانگني خنگ وبخدي حُفرت سچته
غرگانة روحي بالحزن والزمن غص بعبرته
جربت انسى اللي جرى كُبرت بگلبي علته
يالتاكل بروحي أكل العمر ضاع بحسرته
أحلم أشوفه للفرح منهو اليدلني سكته
\
31\3\2015