إنشودة الماجينة التي يرددها الأطفال العراقيون على أبواب الدور في المحلة
ماجينه ياماجينه.... حل الجيس وانطينه
حل الجيس للطالب... وانطي للذي راغب
جبنا لك تره انطالب … وللطالب اتعنينه
يهل السطوح تنطونه لو نروح
تنطونه لو ننطيكم... رب العالي يخليكم
البيت مكة انوديكم... تنطونه كلما جينه
يهل السطوح تنطونه لو نروح
لا تحاول ابسد الباب.. تعرفنه احنه اصحاب
خلينه الك احباب... والصحبة صارت زينه
يهل السطوح تنطونه لو نروح
سهرانين مشغولين... بجمع الماجينه دايرين
خلونه احنه المكيفين... بالماجينه امونسينه
يهل السطوح تنطونه لو نروح
( واذا طال عليهم الوقوف ولم يخرج اليهم صاحب الدار يصرخون بأعلى أصواتهم: (يا اهل السطوح تنطونا لو نروح)، فيخرج اصحاب الدور ويعطونهم ما لديهم من حلويات ونقود وفواكه وكليجة (معجنات)
وبعدها يرددون حسب اسم الأبن
الله يخلي (سعودي).. آمين.. وبجاه الله واسماعيل.. آمين
الله يخلي (حمودي).. آمين.. وبجاه الله واسماعيل.. آمين
الله يخلي (عموري).. آمين.. وبجاه الله واسماعيل.. آمين
الله يخلي (علاوي).. آمين.. وبجاه الله واسماعيل.. آمين
وهكذ