الـــصـــــــديـــــــــــــق

\
دوَّر عـالـصـديق الـزيـن مــن تـضـيج
يـوكـفـلـك وتــــد ويـصـيـرلـك رايـــة
يـجي گبـلك ركـض مـن تـنتخي بي
بـصـدر مـفـتوح ابــد مـا عـنده غـاية
ولا تـنـشد عـلـى الـلي عـافك وراح
ومــن ضـاكـت الـدنـيا اتـهَّزم هـواية
يـلگيـله حـجـج مــن تـسـأله لـيش
مـــو صـعـبـة عـلـيـه يـصـفط روايــة
حـسبالك صـدك بس انت مغشــوش
ومــن يـزعـل وراهــا يـريـد مـشَّـايَّة
ولا تـنـطر جــِزة عـلـلي عـملته ويـا
ادري مــن الـصـعب تـصير سـمچايَّة
ولا تـطـوي الـجـنح لــو هـبت الـريح
گول انــــي عــــدل وربـــي ويــايـَّة
تــرة طـبـع الـبـشر اشـكـال والـوان
يـضـحـك بـالـوجه وبـالگفـه سـلايَّـة
ظل ابيض گلب بس احسب حساب
وابــد لا تـلـتفت لــو تـسمَّع حچايـة
وابــقــى ازرع ورد ربــــك يــجـازيـك
وايـــــدك لــلــورد خـلَّـيـهـا تچايَّــــة
\
عواطف عبداللطيف
27\11\2016