هاي دنيه بس تراوينه النوايب = كتل وفراك الفرح ويه الحبايب
هاي دنيه وياي تفتر بالعكس= ودهري بيها خاني وأمري انتكس
وحظي هذا بالشبج شوفه ركس = جابلي كل المشاكل والطلايب
اعله الحزن صابر وكلبي منظفه = لاجن ايديه يصاح مجتفه
وروحي فوك النهر تبكه مطوفه = منهو ينقذهه لجن ماكو حبايب
والفقير اليوم لو مره وكع = ينتظر بلكي يعينه اللي سمع
ولو اجاه الحظ فد يوم ارتفع = تلكه ملتمه لعند عنده الكرايب
واليخونه الدهر ويعذبه الوكت = والمشاكل كالمطر عليه تكت
يصيح كافي عاد يادنيه جزت = انه ادري بحظي والله خايب
هاي دنيه تجمعت بيها المحن = يدور بيه عكس ماريد الزمن
لاصديق الليسأل وكلبه يحن = شفت بيها اشكال والوان العجايب