منتديات نبع العواطف الأدبية - عرض مشاركة واحدة

05-09-2017, 11:27 PM

من زقزقة عصفور

عاميلة درج

من رندحة خيال

عا حصانو سرج

من دالية غفيت

بعد موسم سهر

من ترغلة راعي

بمنجيرة قصب

رح اغزل مواويل

وشوية حكي

بحروف مليانة عتب

رح ودع ليالي السهر

رح سكر بوابي

بوجه العاصفة

ما عاد للعاشق أنيس

بعد ما توسد فراشو القمر

الحب اللي كان بيوم

يجمعنا سوا

تغير مع الأيام

عا طول النوى

الكرمة اللي كانت

خمرتا طعما عجب

صارت مع الأيام

كومة من حطب