قالت نشـــــدّتك بالنبي تكمـــــلْ حـــكي
قلتلها كتر الحكي بيجر من بعدو البكي
لا تذكرينـــي بالمضـــى ومُــــر الزمان
خلي القلب عاميلة الأحلام هلق مرتكي
عهــــد الغــــزل والحب ولـــــى وراح
واللي اكتـــــوى بالحب خـسر المعركة
من بعــــــــد مالأيــــــام عملتنا حـطب
من كتــــرة الأوجــــاع صرنا نشتكي
الحلم اللـــــي كـــــان بيوم يجمعنـــــا
متل الــــورد بالبـــــرد عـــا أمو تـكي
ما عـــــاد في عنــــا أمل نرجع شاب
واللــــي بقي من العمر كلّــو صعلكـة
لا تفتقي جروحي ولا تزيدي العـذاب
خلص الحكـــي خلصت ليالي الفذلكة