عمي الغالي
الاستاذ قيس نزال
المصيبة الشعب فئوي
يعني ناس لسيد فلان وناس لتيار فلان وناس لحزب فلان و ناس لحركة فلان
يعني اذا ردت تطلع مظاهرة وي شكم عراقي رافض الوضع و دمه محروك على البلد وما منتمي لاي جهة
يجيك جماعة ابو العرّيف و ركبوا موجة المتظاهرين
وكل اناس بما لديهم فرحين
محد يهتف للعراق ؛ كل واحد يهتف لزعيمه وبالاسم
والدوائر صايرة " كلمن إلة " يعني هاي الوزارة لحزب فلان يستحوذ عليها و على دوائرها عصابات و لجان ما انزل الله بها من سلطان
و الواحد ميكدر يحجي لان يروح ٩ باسود
عمي مصيبة و " طركاعتنا جبيرة "
والله يا عمي هسة التهديد و الوعيد بالنقل والاقصاء على وشك يعني احتمال ينقلوني ورة الشمس لان لا عندي حزب ولا تاير يلزم ظهري
ويومية جاي مسؤول لا فهم ولا علم يتأمّر هاي بالعمل
وبالمنطقة ابسط شي جيراني الي ع اليمين بتيار رحمة الله و الي ع اليسار بعصائب غضب الله والي امام مباشرة ماعرف منين وتجي بنت الجيران عمرها ما يتجاوز ال٩ سنوات تتعارك وي رقية و تكوللها احنة خط احمر ؛ لان الوالد بالعصايب
بهاي الكلمات تحجي والله العظيم ههههه
رحمة على روحك صدام رغم كلشي وهم ما عرفت تتصرف
بس شنسوي حسبنا الله ونعم الوكيل