وانا واقفة كده ع الباب
وبين قلبك وبيني حجاب
وحابسة دمعتي ف عيني
وبتوسل إليك تنده
ترجعني لشطينى
ولا تنده
وتْتقطّع خيوط الشوق
ما بين
النظرة ف عيونك
وعيني
تسّهيـــــــــــــنى!!!
وأفوق على دمعة
راح تنطق
بأول حرف من إسمك
ولا............. تنطق
والاقي خطوتك تسبق
و
تتبعترحروف مني
على شالك
خطفها الشوق
وجابها لك
وتبدأ تحكي عن حالك
وتتأسف
وقلبك بالسَماح يِهتف
ومِتلهّف
ياخُدني بشوق
ضيا عيني
تسامحيني ؟
أسامحك !!!؟
يعني أعيش غدرك
مرار صبرك
وألقا حروفي تندهلك
ورعشة إيد تِلملمها
حـــــــروف منك
حـــــــروف منها
راحوا اتلموا ف منديلها
ومال شوقك على ميلها
ومن حُبي بتدى لها
ومين ف الدنيا دى يصدق
حياة من بعدي تحلا لك
وهاجر طيفي من بالك
ورغم الناس محاوطاني
الاقي التوهة وخداني
واعيش الوحدة من تاني
وحتى حروفى عصياني
باعتني خلاص
تاهت منى
ف وسط الناس
وانا تايهة وتاه مني
دفا الاحساس
على شالك
الأخت هناء سعيد ..رقيقة البوح أنتِ
تحية ملء الصباح