نجمة علينا هليتِ = زحتي الليل وعتماتو
عنا لو يوم فليت = قلبي احكمتي بمماتو
*************
خدودك متل البلورة = شمس بتضو المعموره
ويا عيني عَ التنوره = نسَّت يونس حياتو
**************
قالت يا شاعر أوعى = الأرض لغومي مزروعى
ما فيك تبوس شموعى = بتحرق تمك دمعاتو
*************
بحبك راح قضّي سنيني = مهما بنارك تكويني
ان كنتي ما بتحبيني = شعلوا بقلب جمراتو
***************
يا ام الشال العنابي = حاجي تزيدي بعذابي
لا تطيري بوسط الغابي = جفتي مجهز طلقاتو
****************
قالت بو هاشم حاجي = لا تزيد اليوم احراجي
هلق راح طفي سراجي = خلصوا الليلي زيتاتو
**************
مودتي = أبو هاشم