دايما بتدعى لى
دايما تباركى لى
ودعوتك يا امه
قمره فـ ضلام ليلى
ورضاكى فيه بركة
بيشدّلى حيلى
فى الغربة أشوف وشك
بالسعد بيجي لى
فى الضلمة أشوف كفك
دايما بيدعي لى
يا ساكنه فى الننى
يدّوكى من عمرى
ياخدوا السنين منى
يا أمى برضاكى
المولى يرضينى
وحظى فى دعاكى
وربى يهدينى
دايما بتدعى لى
دايما تباركى لى
ودعوتك يا امه
قمره فـ ضلام ليلى
__________
من ديوان إحكى وقول ياورق للشاعر إبراهيم خليل إبراهيم