[quote=سوسن سيف;72677]

مشتاگة

لا چنك
هذاك أنت
لا چنك أمس مريت
ياحنين
يا حَبيَب
يا حمامة بيت
أگولن
بلچي تتذكر
والف يا ريت
لو تدري
آنا
ليش ابچيت

ويجينا الليل
ونجوم الليل
وعبرنا سنين
وراح الريل

واگولن
يمكن يوم
تدگ الباب
واگولن
رجعوا الاحباب
واگولن
ما يهم
حتى
الشعرلو شاب
واگولن جذب
ما غاب
واگولن جذب
وكل الخلگ جذاب

عشِگنا
إحنا
ابد ما مات
عشگنا
طر الولايات
ومهما يمر الوكت
والعمركله فات

, بعدنا نعيش
أوكاتنا الحلوات

لا چنك
هذاك إنت
ولا چنك
جنت يمي
تضحك
من وسط گلبك
وينمحي همي
وعيونك
تحاجيني
وتحرگ بدمي
تسافر
بس إنت تظل يمي

لا چنك
هذاك انت
ولا چنك
عشگت سنين
ولا چنك
كلتلي
انت وبس
يا نور العين
ما ترحين
حتى
الگمر يغيب
من تغيبين
اريدج طول العمر
يمي
تظلين

لوصار العمر
مية
انت بالگلب تربين
نار العشگ
ما تنطفي
( اهل الهوى مچيمين )

مشتاگة
يا گلبي
حيل

لو تدري
بغربة المشتاگ
ولو تدري
بعذاب الليل
ليش
تغيرت
وتبدلت
وبالمحطة ما يمر الريل
يا وسفة علينا
ويا الف حسرة
تهد الحيل
يا وسفة علينا
والف حسرة
تهد الحيل .. تهد الحيل

سوسن سيف
السويد[/quote]

اعدتها ثانية حتى يتم تكبيرها والان اجمل