أعذرينـــــــــــــــــــــي
أليهــــــــــــــــــــــــــــــــــــــــــــــ ــــــــا

أعذريني ...
تره دنياي غبّره
وليلها أمدلهّم
شمسها من البجي رمده
كَمرها من الحزن مظلم
لآوتني وخذت مني الحزام
الأنا أمحزم بيه
........... صبح هليوم بحزامين
متحزم
وتدرينـــــــــــــي
جنت شجره تجوجي أعليها كل الطيور
أعذرينــــــــــــــي
صرت حطبات وبتنور كلمن رادت
أتجيم
وتدرينـــــــــــــــي
أنا الغيمه التفيض الكَاع من تمطر
أعذرينــــــــــــــــي
صفه دهري علي بهمومه
المغيم
وتدرينــــــــــــــــي
أنا الجنت اليحشموني على الكلفات
أكَضيها
أعذرينــــــــــــــــــي

تره ذلني زماني وصرت
اليحشم
صفيت آنا ولا ذاك التعرفينه
أحس روحي مثل حايط الطين
الساسه متهدم
أعذرينــــــــــــــــــي
جرح روحي الوكت بجروح ما تشفى
وحط ألهن ملح صبخه
وأظن تدرين طبع الملح
من ينحط على جروح الوكت
يلجم
أعذرينــــــــــــــــــي
كَضيت أسنين عمري بهلوطن أبني
تاليها الوطن شو طشر أسنين العمر
خرزات سبحه بكل كتر خرزه
والمطشر بعد شيلم
أعذرينـــــــــــــــــــي
ولا ترجيني أعلى الجاي
تدريني على ألي راح متندم
وتدرينــــــــــــــــــــي
أنا الجنت الألآوي الكون فرد أصبع
أعذرينـــــــــــــــــــــي
رفعت أثنين أديه وصحت
مستسلم
مستسلم
مستسلم