قصيدة تقرأ من اليمين ومن اليسار

شيء من جنون البدايات ،،،،
ملاحظة لقصيده تقرا من الجهتين
خيمه ياوطن اسمك
يصح ان تقرا اسمك ياوطن خيمه
شيمه عالامم رسمك
تقرا رسمك عالامم شيمه
وهكذا
خيمه ياوطن اسمك**********شيمه عالامم رسمك
دايم ياوطن دايم ------------يسمه بالمجد راسك
سالم ياوطن تبقه---------يدعيلك گلب ناسك
واهم فكر عدوانك -----------ادري بيه صلب ساسك
غيمه تظل لحبابك*******ينثر بس عطر صمك
عمري الك يا روحي--------كلشي ايروحلك فدوه
صدري يحتوي حبك--------حلوه دنيتك حلوه
ثغري يبتسم باسمك---------انت ابدنيتي سلوه
شيمه او مرجله او عزه******الدنيه تهتدي ابعلمك
عيني رسمتك نجمة----------شفناها ابد تلاح
بيني او بينك اجروحك--------احسبهن مسه او مصباح
اسنيني ابضيمك اتعاني-------همك اشوكت ينزاح
هيمه دنيتي اخلافك*****يسعر بالكلب همك
روحي اشكثر مشتاكه--------- تشوفك عايش ابفرحه
بجروحي صرت ساكن--------كلبي ما سكن جرحه
دوحي يا وطن ينحب--------عدوانك صفت فلحه
ضيمه او بلوته او حزنه******كلهن هالصفن يمك