نسيانك صعب ................. نسيانك صعب يلدومك أعلى البال ما ينسه النهر فد يوم جاري الماي مثل مكوك حايج آنه أظل عليك يظل طول العمر مجبور رايح جاي رسمك بالعقل ما ينمسح ويروح لا انت الگلب انت العقل والراي هم يوم ألسمه تنسى النجم وتغيب لو ينسى الحزن يوم الدمع والناي يلمرسوم انت بنص سواد العين لو غمضت هاي الگاك انت بهاي سبگني الوكت عدي هواي أگلك بيه المن راح أكول هواي عدي هواي أجيتك راح أمد أيدي وتعال وياي يم دارك دمد أيدك وكض يمناي يا نهر الوگف سداك عني الموت صخره الموت صار وما صرت جراي ولك فرهدني شوگك بس رسم ظليت نايم آنه گاعد انت دوم وياي حسدت الموت من رحت أعلى صوب الموت مو مخبول ادري الموت آنه أدواي ردت آنه وردت هوايه الردت ما صار جن زعلانه مني وما رضت دنياي ريل الراح راح وأخذ مني الروح محطاته انتهت ما يرد يوم احذاي ما بعت العمر يوم أعلى ذل وضيم بس اليوم ابيعن لو صرت شراي يالمسافر سفر ما بيه رجعه بيوم ما حسبت بيه وتدري مو نساي نسيت تعلم ألحبوك علنسيان حال الضيم بُعدك عطش وأنتَ الماي
نسيانك صعب
العرض العادي
