وميض الروح شعر عامر الحسيني

وميض الروح (شعبي)
شعر
عامر الحسيني



يداعي الليل لمة وكاس من كاس
وفرق مابين كاسي وكاسك كبير

شفت هالناس من أشكال واجناس
وشفت هذي القضية تريد تفسير

اذا كان العشق للروح مقياس
عجب تبخل علينة بشوف تصوير

واذا كان اللعب بقلوب واحساس
اخبرك يا حبيبي الدنيا تدوير

مثل دولاب راس بذيل من راس
قبل خانت واحذرك منها تحذير

حبيبي الزين اريد اليوم انباس
ترة المشتاق صدق ما يحب غير

احبك ياورد يمعطر الياس
يمن عطرك يفوح بغير تعطير

واريدك كل وقت يازين نبراس
تضوي بالمشاعر وين متصير

وميض الروح نور بنور لوماس
يجي ويروح ما يحتاج تدبير

وانه متاني القمر وادري القمر حاس
يهل بسماي ابدن دون تأخير

أسعدك الله روحك كما أسعدتنا

نص مفعم بالحيوية والحب

تحياتي

شكرا لعينيك اخي الحبيب
طيب الله اوقاتك أ. أسعد
شكرا لك وردا
طبت ودمت

شفت أشكال وانواع الكتابات
مثل حجيك أبد ما مرني تعبـير
سطرك غصن وحروفك تغاريد
تغنيــها البلابل قبـل متـطيــر

كنت رائعا

شفت اشكال وانواع الاجابات
لجن حرفج ابد ما مثله تسطير

مثل مزنة تهدي ذيج الغمامات
تهب انسام وياها الحرف طير

يطيربدار وتغرد حمامات
حنان الشوكَـ بخلافج تره نحير

تمر سنين ويانه العشكَـ بات
يظل برجاج كَلبي الما عرف غير

تعالي هنا كفاج اليوم غربات
عجيبة اشلون ننساها التصاوير

مطرنة ايام فوكَـ ايام مرات
عليمن بالهجر ناحت عصافير

صحيح الفات ما يرجع بعد مات
لجن عدنة المطر والكاع تبوير

دخلينا انزرع دنيانا وردات
بلاية اعتاب نرجع خير وي خير
.................
حياج الله حنان الرائعة
تقبليها لعينيكِ

اجيت اليوم أقرة هذا الأحساس
حروفه اللي حجت فعل المقادير

تحية لحرفك الجميل

جرت بينا الليالي شلون لوعات
حكم ربك حكم تجري المقادير

.................
حياج الله امي الحبيبة
شكرا لعينيك غاليتي
لا حرمنا من هطولك العذب

[منية الحسين]

شعبي مموسق بالحكمة ومطوق بالنور
تحياتي لهذا الجمال العاطر سيدي
كل الود .

شكرا لعينيك سيدة الذوق
شكرا لذائقتك
منية ما اروع واعذب اسمك
شكرا لك وردا
طبتِ ودمتِ