مرحى ..مرحى ..يابغداد!! شيعة..سنة..عرب ..أكراد مرحى للديمـــــــقراطية مرحى لعبيد الاسيـــــاد مرحى للشرطة الوطنية الطردت من عدنه الموساد مرحى لليشرب من دمي وبيه نطرد عين الحساد ياوطن الطفلة المغتصبة بيك شكد ضيعنه اولاد كل ما اريد اتوضه بمايك تشبكني شباج الصياد اقزامك صعدو عالنجمة واحدهم عوج بن عناد اليذبح جان باطفالي رد ردود وشوف شراد يفجر الدافنهم للعازة ويوميه يفرحه التعداد طز بنفطك ياموطنه الماكدر يوفرنه الزاد طز بمايك ..طز ببحورك طز بحجارات الزقورة طز ابابل ..طز باشورك طز بالثورات الذبحتني طز بالمترفه بقصورك طز بالمايعرف معنى الطف ويصعد للكرسي بعاشورك طز باليسعون بتفرقتي طز بالمارداهم سورك طز بالخله اربيل تصفك للباكو بردية هورك طز بالحطاب الغافلنه وطيح عش شايل عصفورك طز ابيدر مايجمعنه طز بالمايعرف تنورك طز بامريكا وطز بو اوباما طز بالزرقاوي واسلامه طز بكل لحيه تكفرني طز بالارهاب وباحكامه طز بالوصلني الهالحاله طز باحبابه وطز بايتامه طز بكل واحد فرهدني بسد خاجيه بسد عمامه طز بكل ريس مايدري بيت الطين شتحوي احلامه ......طز بالثورات العربية التمدح وتمجد طاغيتي طز بالرتبات المشبوهه الباعتني وباعت بيريتي طز باليهتم بس بالكرسي وجنسيته تخالف جنسيتي طــــــــــــــــــــــــــــز ابيـــــــــــت المال العام المايكدر يوصل يم بيتي طز باهل السجاد الفاخر الماعرفو قصة باريتي طــــــــــــــــــــز بالخلانه بهالفوضى!! طــــــــز بالبايع شرفه وعرضـــــه طـــــــــــز بالفجرني بعبواته وحط عليه شعيره وفرضة طــــــــز باليتعالج بامريكا بفلــــــــوس الاطفال المرضه طـــــــز بالتارس وجهه الشاشة وطــــــز بالحظ الطايح حظه طـــــــــــز بالعيّن أهل وربعه وجاره يعيش بسد القرضه طــــــــــــز بجيراني الذبحوني وبالخلانه السمهم عرضه طــــــــــز بمجلس أمن العالم طـــــــــــز باالفيتو وطز بنقضه طــــــــــــــــز بالماجابالي الخير طــــــــــــــز باليمشي بعكس السير طــــــــــــز بالعيد المادك بابي وبالإحتلاني بتحـــــرير طز باليستورد سجينه وبالهجّر من العش طير طز بالفتوات المسعورة طز بالفتنة وبالتكفير طز باليكتل اهله وناسه ولأعداءه يدور تبرير طــــــــــــــــز بالجان يصلي ابيتي ومن يفرغ يكتب تقرير يكتب بيه جاري (يحب الله) وعده وي الريس تقصير ويرفع صــــــــــوته بفرض المغرب ويكبّر بأخطر تكبير طـــــــــــــــز بالصندوك الضم صوتي وطز بالكاعد يسعه بمـــــــــــوتي وطــــــــــــز باخر بسمار بجفهم رايد يندك بتابــــــــــــوتي طــــــــــــــز بالنشف ماي البدعة طـــــــــــز بالظلمة وطز بالشمعة طـــــــــــز بكل قائد ناسينــــــي ومايذكر بس اهله وربعــــــــــــة طــــــــــــز بالماملجوم بنـــاسه طـــــــــــــز باليضحك يم الدمعة طـــــــــــز بالمااجاني بفاتحتي طـــــــــز بالهلهل من جنت انعه طـــــــــز باليستورد جورابــــــه ويمه حديثـــــه تصلي مفرعــة طـــــــــز بليطوطح بالملهـــــى ويكلهــــــم جنت اضرب ركعــة طـــــــز بالمفتون ب(شاكيرا) وطـــــز بالمامفتون بفدعة طــــــــــــز بالياكل حك الفقره طز بالفرهد نفـــــــــــط البصرة طز باليمشي بهيئة فاس ويكول انه الأحمي الشجرة طز باليحجي اباسم حسين وهو الفلش بيده الحضرة طــــــــــز باليسعون ابيت الله وابيت ابليس الهم خمره طز بالعايش عالإيفاد وكل أعماله تسولف بره طز بالمايدري (ام رحيم) مرات انسميها الشطرة طــــز بالمسؤول اليذكرني بس لمن تجويه الجمرة طز بالخلوووه باسمي يسووولف وهو اصلا مايعرف يقره
نطقتُإسمَكِ فاشتهيتُ لساني ،،،!
الله وجع من الطراز الفاخر لا يؤلم الجرح إلا من به ألم .. لا تحرق النار إلا رجل واطيها أبدعت في وصف مأساة العراق كما ينبغي لعراقنا السلام ولقلمك جل الإحترام
طــــــــــــــــــــــــــــز،،،،!
العرض العادي
