الأنتظـــــــار بيرغ وشمعه وعرس وعيون مشدوده بدربكم خويه وحديثات ديرتنا تحنت لبست الثوب الجديد تنتظر جية فرحكم اليوم لو باجر العيد وأمي لزغار السلف تحجي سوالف والحلم نايم على عيون الزغار وناس ديرتنا تره ملت طبعها تنتظر جية النهار والسنابل كسراها الريح ماتت والمناجل غفت غطاها الغبار والمضايف ظلمه بيها الريح تصرخ لا دلال البقت بيها ولا بقت مشعوله نار والحراميه بفشكَها الشد سطت بالليل غفله وفززوا الأحلام بعيون الزغار والحديثات التحنت باكَوا الحنه من أديهن ( غيده ) من معصمها باكَوه السوار وطفح هور الضيم بينا ودار ما دايرنا دار ولا (سعود ) الشال مسحاته أعلى جتفه ولا (حمد )مر بيه بالليل القطار أشكثر يا أزلام العشيره أطروش ودينالكم لا ردت أعلينا الطروش ولا أجت منكم أخبار ولا درينا الصار بيكم ولا دريتوا البينا صار ولا عجيد البيده برنو فزع لينا ولكَز بالبرنو مهرته ولينا غار أسنين مرت ننتظركم يا ثكَلجن يا سنين الأنتظار وما رجع منكم خبر بس الأعتذار وردت الشمعه أنطفت والعرس مات ورجع بيرغنا أنكسر غطاه العار غطاه العار
الأمل \ من بعد طول إنتظار والشمس ضلت دربنا والگلب دومة يون ويهامس بلكي تطلع بالنهار يفرح الشيخ بتمرته وغيدة تتباهى بإيديها وبالسوار وحمد يركض للزرع وية الشباب لجل ميعلم الصغار وينادي هذي أرضي هذي عرضي ما اجوزن فرحتي وية السنابل حتى لو ضكت المرار تقبل حروفي تحياتي
الأستاذة نبع العواطف كلنا بأنتظار أن نمر ب ( حمد ) ونحن نركب قطار الليل لنسمع دكَ كَهوته ونشم ريحة الهيل شكرا ً لمرورك الرائع على قصيدتي ... تحياتـــــي
الأنتظــــــــــــــــــــــــــار
العرض العادي
