عدها عيون منها الشمس تتواره = تبكه الروح من شوفتها محتاره أخذت كلبي مني بلا ذنب ياصاح = لمن نظر ليها بيومه ظل مرتاح لاجن غادرت ياحيف ظل بنواح = ما ترهمله ابدا بعد كل جاره عدها عيون حلوه مكحلة وسيعه = والسر عدها يامهيوب متذيعه شلون عيون تشبه خيط الوشيعه = وكلبي من وراها تاهت افكاره سوده عيونها ومكحله ياناس = حركت كل مشاعر عتدي كل احساس كلت ياربي هذا مرض لو وسواس = واليوم اليحب يتحمل أوزاره تيمتني وبكيت بحبها هلهيمان = وبيه صار يلتسمع عمى الوان مدري من الانس هيه لو من جان = سويلي يحلوه وياج فد جاره للفتاح فال انه رحت اسأل = كلي صابتك عين وتريد الحل كتله نعم كلي لاتصير أهبل = روح اسأل عليها ودور ادواره كلي خلي عندك مني هذا الماي = قريت عليه يشفي كل مرض كل داي عليها ذبه راح توافكك بالراي = تشوف دموعها علوجنه تتجاره أخذت الماي ورميته على الحلوه = فزت كالت انت صدك ماتسوه سبتني وبكيت بدهشه وابلوه = كمت العن الحب والعن اخباره رحت اركض وراها بمشيي أتعثر = قصدي جان اشوفنها واتعذر لن بحلم جنت انه وما أكدر = احجي والحلم بي شفت الخساره
https://www.youtube.com/watch?v=QnhKRfJp7Bo في الغرامِ يا سيدتي ذبتُ وبعينيكِ طويلا سرحتُ والى عوالمَ أخرى دخلتُ ولما عدتُ لم اجدني بل أنتِ وجدتُ مدونتي : https://amirsllal.blogspot.com قناتي على اليوتيوب : https://www.youtube.com/channel/UC4Q...YRNI7uOXd7qTGw
جميلة وخفيفة ظل! سلمت حواسكم أيها القدير محبتي والاحترام
أسعد الله قلبك دكتور نص يسعد الروح دمت بخير تحياتي
حلم وخسارة
العرض العادي
