ديــرة هـلــي

ديــرة هـلــي
سسسسسسسسسسسس

الـچ يا ديـران أهلنـه....
وللشـواطي ..... وللمــضايف
الــچ ( يا أم ﮔعيـدة )
شوگ العــاشك الـذابل شفايف
الـچ أكتبلـچ عتــاب..
بدمـع عشر سنين ما جـف
أرد أوديـلچ حجي عطـشان..
للـدهلـه..
ونـﮔـال الشلب ..
والبردي ..
ومشاريـﮔچ...
وأوديلــچ سـوالف
ما نسيتـچ..
وما نسيت ارباعنـا وذيـچ الطـرايف
ثـابته بعيني تصاوير لسلفنـا..
وهذي اديــه موسمه بليـط الصـرايف
يا سلف غافي على زلوف النخيل
ويا حنين دفوف الحـديثات عـدهن واحد نـزف
انتي عين مكحـله بطيـر وسمچ..
والنخـل ظافرته سفايـف
انتي بس انتي العشكتـچ وآنـه خايـف
خاف نتفارگ وتنسيني..
وتحسبيني غريب وضيف ضـايف
ما نسيتـچ..
من أذكرچ تطفـح بروحي مشاحيفـچ
وأصيـرن بـردي واجــف وينبت بعيني خـيالـچ
وأنسـه كل شـي 1/11/1971
وأجمـع هـدومي....
وأﮔــولن باجـر أمشي
تالي من أذكــر قضيتـي ..
أعتـذر وأكتبلـچ..
آســــف

رائعة

تحيتي إليك وإلى نقلك إيّانا ذكريات الأجداد والطفولة وبيادر الخير ( وماي العروس )

ومناجاة وعتابية جميلة

تسلم

الـچ يا ديـران أهلنـه....
وللشـواطي ..... وللمــضايف

شرد أكلج
نخر عظمي
تاه فكري
شوكي ألج يحجون بي مثل السوالف


اعذر خربشاتي
تحياتي

أعدتني إلى أيام الشباب وعادت الذكريات إلى الظهور

مناجاة جميلة وهمسات رقيقة لحبيبة القلب

تحياتي ومودتي

تحياتي لكم يا مذاق النبع العذب
شكراً لمروركم
دمتم للنبع أوفياء

رائع اخي ابراهيم وأنت تصوغ من

الذكريات قلئد أغلى من الذهب

ود واعتزاز