لك سياسي

لك سياسي .. !
زحمة الك دنكت راسي
يا وطن
ماتت لأجله شباب ورفعت بعز برايتة ..
سيّدي
هو سيد ، لو سياسي لو شنو ؟
شكد جبيرة اعمامتة ..
والله لو يوزنها غيرة ، والحكم بالحق يديرة
والفقير ×
والفقير الله يعينة
منهو يسمع حالتة ..
يمشي ويسبّ بحياتة
و يلعن اليوم الي أمة جابتة ..
.
.
.
علي التميمي

ما بقت ياابني غيرة
هو أبداَ مو سياسي
هو راكض عالكراسي
ساعة يهتف ساعة يوعد
وباللفط هو الأساسي
والوطن صاير قطع
هواية من خيره انبلع
ولما كشفوها للبوگه
اخذ الفلوس ووشلع
تريده يدري بالفقير
حتى حنطة ما صفتله
ما بقى بس الشعير
والهدوم مشككة
ساكت يباوع عليهم
لغير ربه ما اشتكى
وحوبته لازم چبيرة



الوجع كبير ابني
حماك الله
تحياتي

هذا لاسيد ولا سياسي
بس يعرف اللفط والكراسي
والفلوس شي اساسي

هذوله مو عراقيين
بس بالجناسي
ولائهم للأجنبي
مو عراقيين
بس بالجناسي

تحيتي

	اخي الحبيب الظالم ماله اي مفهوم او عنوان اخر شريف نسب او لا الكل عند الله اما ظالم او مظلوم طيب او خبيث ولحم الخروف معروف صرخة ضمير يابوحسين لكن هل يسمعها الظالم

موجع هذا الوطن المتكدّس في أوردة العمر
لنا رحمة الله.. ولهم عذابه
أبدعت وأوجعت

هذا حال اوطاننا
وهذا حال رجالنا
لنا الله نعم المولى ونعم النصير

امي الغالية
شكرا لحضورك الرائع
واضافتك الأروع
تحيتي لك

قيس نزال
صدقت وأصبت
العراقي الأصيل يحترق قلبه لما يجري
بوركت وطبت

عامر الحسيني
مؤلم جدا هذا الوضع ياسيدي
وانت أدرى ان الأغلب تعاضدوا على تضييع العراق
شكرا لقراءتك اللطيفة

حنان الدليمي
لنا الله يا سيدتي لنا الله
بورك مرورك الكريم