لوحة شعر عامر الحسيني

	لوحة شعر عامر الحسيني (شعر شعبي) من يجيني الشوكَـ صدكَوني أختنكَــ حيل أختنكَـ..والدنيه خنكَه سمجه روحي ودجله انتم من يجيني الشوكَـ صيهود الوكت تلفونه عندي .. وانتظر خنيابه منكم.. دهله جنكم يل زرعتوا احروف احلامي بعشكَكم .. يل سكَيتوا اجروف نهراني بضحككم والله احبكم .. والله احبكم جالفراشة يرفرف كَليبي ابأسمكم .. والكَه روحي عالطواري البيهه جنه وجان حبكم والكه نفسي يم طرف بستان يحمل طيب من طيب الذي عفتوه منكم.. من وردكم والنسم شايل ترافه وجاي منكم .. والطيور الزقزقت وكت الصبح خبرتني عنكم .. جنتوا يمها .. نسمه هبت من جنان الروح ترفه حلوه.. تحجي بالعشكَـ لوحه بشعركم.. والله احبكم والله احبكم وتعيشون بغداد 28\12\2015

الله.. ما أبهى هذه اللوحة
رسمتها بماء القلب فكانت الروعة
قصيدة متكاملة تقتحم القلوب بجمالها
طيب الله أنفاسك

	شكرا لقلبك وردة مرورك جميل وذوقك اصيل لا حرمنا من مرورك يا رائعة حنان الدليمي تسلمين

لوحة رائعة بكل مقاييس الروعة

تحياتي

	لمرورك الالق يا كبير شكرا لقلبك حياك قلبي

هذا حرفي
صغته وردات لأجلكم
لو نسيت الدنيا كلها
روحي تتمنى قربكم
ولو نسيتوا
خلها ترجية باذنكم
آني احبكم

صباحك خير وعافية ابني
محبتي

	طول الله بعمرك امي الحبيبة واسعد قلبك ما اجمل حرفك حين يمر كانه اريج زهر وضوء قمر يعانق دجلة دمتِ يا حنينة