الى شـهــــداء الـكرادة

	الى شهداء الكرادة ============ ردت اقارن موتكم بس ما لـﮔـيت الكم مثيل هواي ماتت منا وادم بس ﭽتلكم ليش صار شـﮔد ثـﮔيل مدري ﭽي حلوين وبلون الورد لو حسبتوا عيدكم بـاﭽـر يجي بملبس جميل خاف ﭽي صوت الطفولة مبيّن اعلى من العويل مدري ﭽي ظلت ملابسكم يتيمة مـﭽـلبه بحلوﮒ الشظايا تصيح .... المن هل قميص يا سامعين الصوت المن هل بدامة هاي دشداشة مره أم خصر النحيل هاي بدلة عرس متروسه بواﭽي وزعتها الظلمة لعيون الزوافيف الاجو والساعة ليل شـﮔد بـﭽـو حتى الشوارع بللوهه وتانو شـﮔـد ما اجيت وماكو للدمعة بديل العين تبـﭽي الشمع يبـﭽـي وصار ليل الوحشة ذاك شـﮔـد طويل موت بس ماله مثيل

رحمهم الله وتقبلهم ..واللعن والويل لقاتليهم أبدا..
سلمت أناملكم أيها القدير
ولله الأمر

اشكر اطلالتك البهية
دمت لنا شمعة
تحياتي لالبير القدير

	رحم الله شهداء العراق شهداءنا طيب الله انفاسك اخي الكريم مصاب يتكرر كل حين تطلكَـ طلوكَـ سنين شفنه العجايب دنيانه بس بالضيم تزكَط مصايب حياك قلبي ملاحظة : هناك ابيات خرجت عن بحرالرمل او ما يسمى الموشح بالشعبي

اخي الشاعر القدير عامر الفاضل

انا كاتب قصة وروائي . اكتب الشعر الشعبي بلا دراسة بحور
الا ما ندر . استخدم الاذن الموسيقية في كتابة القصيدة
لذا تزحف بعض الابيات الى بحر آخر دون دراية مني
فانتم الشعراء ( شوي ديروا بالكم علينا ) ويا ريت تنوه لي
الى تلك الابيات مع التقدير .

اشكر ملاحظتك القيمة

رحم الله الشهداء

رثيت فأجدت

تحياتي

اقتباس: المشاركة الأصلية كتبت بواسطة ابراهيم الغراوي     اخي الشاعر القدير عامر الفاضل انا كاتب قصة وروائي . اكتب الشعر الشعبي بلا دراسة بحور الا ما ندر . استخدم الاذن الموسيقية في كتابة القصيدة لذا تزحف بعض الابيات الى بحر آخر دون دراية مني فانتم الشعراء ( شوي ديروا بالكم علينا ) ويا ريت تنوه لي الى تلك الابيات مع التقدير . اشكر ملاحظتك القيمة

	تشرفنا بكم اخي الحبيب انت شاعر واديب وانا متابع لمنجزكم الابداعي على صفحات منتدانا الحبيب وبخدمتكم لغرض رفع مستوى الادب الشعبي ملاحظاتي لغرض التقويم لا اكثر حياك قلبي ايها الرائع

طيب الله أنفاسك أخي العزيز إبراهيم
قصيدة راقية عميقة الأثر
رحم الله الشهداء وألهم ذويهم الصبر والسلوان
بوركت