دارميات عراقية 3

لمن يجينه العيد كلبي يغني

يبعث الك اشعار شوك ويهني

صح انته مو وياي يابعد روحي

بغيابك انذليت وزادت جروحي

كلبي يون اعليك ماشاف راحه

كاضيها طول الليل بس بالنياحه

مشتاك الك يهواي يمته تجيني

اتخفف الحسرات ويخف ونيني

أيامكم أعياد كلها يلطياب

كل عام وانتو بخير ياأحله أحباب

اقتباس: المشاركة الأصلية كتبت بواسطة عواطف عبداللطيف     صح انت مو وياي وبعيدة الامتار لمن يجينه العيد بالروح الك دار

الدار الك بالروح مبنية بالدم
طابوكة من اجفاك وطابوكة من هم

اقتباس: المشاركة الأصلية كتبت بواسطة الدكتور اسعد النجار     أيامكم أعياد كلها يلطياب كل عام وانتو بخير ياأحله أحباب

بالعيد اشوف الروح صارت مراجيح
هزها الوكت دكتور من هزته تطيح

انعل ابو اليهواك لابو اليحبك
مو كلب هذا البيك طابوكه كلبك

رسول

موكلب هذا البيك حسبالي صخره


حتى الوفه يهواي كامت تنخره

حتى الوفة يهواي ما عاد ينفع
گلبي تجوة بنار ما اريدن أسمع