يا هلا بهالطول يامية هلا

يا هلا بهالطول يامية هلا

ارْويحتي بْلَياك ساگمها البلا
***

طِلْ تعال وشوف گلبي وخَفْگِتَه

ذي همسة المشتاگ يسمعها الملا
***

لا تِظِنْ يَهْواي بالمُهْجَه أفيك

من دمع هالعين غيمه مْحَمِّلَه
***

تدري بَشْواگي إلك روحي تطير

هيّ خطواتك بروحي امْسَجِّلَه

يا هلا بهالطول يامية هلا
***

عَجِّل الخطوات سرِّعْها تعال

بالك اتْخَلِّي الإراده مْزَنْجِلَه
***

راسل المشتاگ لَتْزيد الجروح

جروحي خازنها وَظِنْها مْسَلْسِلَه
***

اُنْفُضْ اهْمومك حبيبي اي وراك

ويّه نَسْماتكْ تُمُرْني اگْرُنْفُلَه

يا هلا بهالطول يامية هلا
***

اسنيني منذورة اِلَكْ يوم التگيك

شَهْكِتي من العين بيك مْكَحِّلَه

يا هلا بهالطول يامية هلا

لا تِظِنْ يَهْواي بالمُهْجَه أفيك

من دمع هالعين غيمه مْحَمِّلَه

كلش حلو عمدتنا
عاشت ايدك
و صح لسانك

سلمت أستاذنا شاكر

انت غالي معزتك تملي الگلب

كلمن يشوفك يظل عندك محب

ياهلا بهلطول يامية هلا

الطول نصه ركبه والوجه نصه عيون
والصدر كاغد ورق عند الحضر يقرون..

أحسنت أبو صالح

اقتباس: المشاركة الأصلية كتبت بواسطة ليلى عبد العزيز     لا تِظِنْ يَهْواي بالمُهْجَه أفيك من دمع هالعين غيمه مْحَمِّلَه كلش حلو عمدتنا عاشت ايدك و صح لسانك

ووجهك الأحلى غاليتنا

شكرا لك

اقتباس: المشاركة الأصلية كتبت بواسطة كوكب البدري     سلمت أستاذنا شاكر

سلمك ربي غاليتنا

اقتباس: المشاركة الأصلية كتبت بواسطة الدكتور اسعد النجار     انت غالي معزتك تملي الگلب كلمن يشوفك يظل عندك محب ياهلا بهلطول يامية هلا

سلمت يغالي

هذا الصرخي مشكله هو علمني ع الشعبي

اقتباس: المشاركة الأصلية كتبت بواسطة قيس النزال     الطول نصه رگبه والوجه نصه عيون والصدر كاغد ورق عند الحضر يقرون.. أحسنت أبو صالح

الله الله ابو محمد
سلمت

اقتباس: المشاركة الأصلية كتبت بواسطة شاكر السلمان     ووجهك الأحلى غاليتنا شكرا لك

فد خطأ بسيط أخي شاكر
"وجهج...."
مو ليلى بنيه
تحيتي.