دارميات عراقية 3

اقتباس: المشاركة الأصلية كتبت بواسطة سعد السعد     شنهو اليصبر الروح لو انته غايب يجري الدمع بالعين والكَلب ذايب

يجري الدمع بالعين رحت وتركته
شمتت بيه الناس خليها سكته

اقتباس: المشاركة الأصلية كتبت بواسطة الدكتور اسعد النجار     يلرايح البغداد مر اعله دجله وكله ابد ياصاح ماشفت مثله

كله تره ياصاح گليبي مشتاك
يمته اشوفك عاد وافرح بملكاك

اقتباس: المشاركة الأصلية كتبت بواسطة عواطف عبداللطيف     يجري الدمع بالعين رحت وتركته شمتت بيه الناس خليها سكته

شمّتت بيه الناس وانته متدري
بالكلب صار الآه والدمع يجري

اقتباس: المشاركة الأصلية كتبت بواسطة عواطف عبداللطيف     كله تره ياصاح گليبي مشتاك يمته اشوفك عاد وافرح بملكاك

يمته أشوفك عاد والكلب يرتاح
لمّن تجي والكاك كل همي ينزاح

لمن تجي وألكاك تسكن بروحي
تدري أنا بلياك زادن جروحي

تدري أنا بليّاك لا وطن عندي
والتفت هين وهين أحسبني هندي

التفت هين وهين حسبالي ما اشوف
البعد صعب هواي بس والله ما عوف

البعد صعب اهواي والقرب غاية
يبقى الكَلب يهواك حتى النهاية

يبقى الگلب يهواك بس همه يكبر
وكلما تمر الأيام يشتاگك أكثر

كلما تمر أيام يحزن حبيبك
خافن يموت ابساع وما يلتقي بك