طعم العشق .. مَجْبُول بشويّة حنين ..
وغَرْفَه من صنوف الوَلَه ..
كل يوم يعلكها الفكر قبل الرحيل ..
زوّادتو ما تفرغ ولو راد يفنيها ..
مدروزه فوق المَتن والشّوق ماليها ..
مِنّو غِدَتْ ..
مثل الحَشَا .. مثل القلب ..
ويمكن أهم من القلب ..
لا والله مو يمكن أكيد ..
شقدّو عنيد ؟!!
عشقي أشد من الصخر
عشقي أصيل ..
طاهر مثل لون الفجر مثل الندى ..
طاير مثل غرنوق وحدودو المدى ...
طبعو فراتي ..
والما يعرف شلون طبعك يا فرات ..
مالو عذر ؟!
طبعك وفا .. طيب وسلام ...
حبّ ومحنّه وجود رقّه وابتسام ...
حسّ وأمل ..
وعذوبتك تشفي العليل ..
هذا الفرق ..
بين الهوى عدنا وعد كل البشر ..
هوّ النهر ..
صدقوني إي .. هو النهر ..
شما نبعد ووين السفر ياخذ خطاوينا ..
نشيلوا بحنايا الروح لو تهنا يدلّينا ..
نشيلوا بحنايا الرّوح لو تهنا يدلينا ..
العشق الفراتي
العرض الشجري