قالت لي امي فد يوم === ياوليدي شمالك مهموم اشوفنك دايم حزنان === مثل الدبدوب الكسلان إحكي همومك لاتحتار === سمعني شعندك أخبار بلكي نلاقيلك فد حل === وترجع عادي مثل اول قلت إلها يايمة الحب === دش قليبي بساع وشب شب نيرانه بوسط الروح === وما يقبل عن بالي يروح يمه دخيلك ياستار === إبعد عن وليدي النار بس الحب بيه راحة بال === إسالني اخبرك بالحال قلت إلها يايمه عذاب === أسهر ليلي وأغني عتاب موالي يايمة طال === وليفي إلي أحبه شال وماأظنه يايمة يعود === هجرني من غير وعود هجروهم غربان سود === جتنه من خارج الحدود يمة فدوة لاتحكين=== قلبي يعورني المسكين إنقهرت إمي عليّ هواي === من سمعت طاري بلواي شويه ولن فد دقت باب === قالولي ردوا الاحباب طرت أنا وأمي مرعوبة === قلت إلها يمة المحبوبة رجعتلي يايمة جديد === يلاّ خل نفرح بالعيد نتزوج يايمة الساع === وخلي الورد يملي الكاع يا حبيبه وأنتي ترقصين === بعرس وليدك وتغنين يايمة أتمنى الحين === عودة كل المغتربين رجعتهم أحلى من العيد === يجمعنا بدون مواعيد
هموم واقعية
العرض الشجري