انتظار قبل وبعد العيد عبد الرسول معله مهداة للأستاذة عواطف عبد اللطيف إجه عيدكْ ينبّهني بْحلمْ حايرْ شقدّملكْ أقدّمْلَكْ دليلي شْموعْ؟ يَلْ دَمّي ارتوى بْهمّكْ أصوغ كَلاده من نجمات ؟ أكتبْ علكَلبْ إسمَكْ؟ ضنيتْ الروحْ بـِالتـَفْكيرْ وعيني مْشَلْبِحه بْرسْمَكْ وشـْفافي تِردّدْ دوم حايرْ شرْدْ أقدّملكْ لغنيلَك غِناوةْ شوكَـْ تُرْكَـصْ دومْ بِشْفافي وفـْتَحْلَكْ كَلبْ مجْروحْ لْغيركْ أبَدْ ميْوافي وفْرشـْلَكْ جـِفِنْ سَهْرانْ بَسْ بـِمْحَبتكْ غافي وِجَه طيفكْ يـِفرّحْني بْحِلِمْ وبْيقـْظه أريدنّك وفِزْ فرحانْ لسْبالي أجيتْ وكَـمْت أضُمَنكْ فْتحتْ عيني فْركَِتْ جِفْني بلْجي فْزّه أشوفَنّك أشو لَنـّك سرابْ تلوحْ تِبْعِدْ وبْتِعِدْ عنّكْ كِلها الحبايبْ عَيّدتْ واسْتبشِرَتْ بالعيد وجنت اظنـّكْ تِجي وعِشْت ِ الحياةْ وْحيد بيدكْ شمعْتي انْطفتْ متْوجْها إليَّ جْديد جَمْ مَرّه اكَومْ اعتني وحَزّمِتْ جـِدْم وإيد وكِلْ ساعه أكَولْ وْصَلِتْ بسْ الأريده بْعيد شحْجي وشكَول اعْجزتْ مو كَلبي لَوّعْته وجرْحي الجرحْته يـِنِزْ وبـِهْواك ضمّدَته ولَجْلَكْ تركْت الأهلْ ولـْكلْ خوي عِفْته عِشـْت الحياة بحزنْ وكَْضي العُمُرْ سكْته مِنـْتِظِرْ بَلـْجَنْ تِجي جا جَيّتكْ يمْته جا جَيّتكْ يمْته *** جا جَيّتكْ يمْته شكَدْ تنيتكْ شكَدْ نزفْ مني الصبر وآني بْحِلِمْ وتْنطـّريتكْ شكَدْ حركَْتْ ابْخور وعْلكَت الشمعْ بَلْجَنْ تجي وتْأمّليتك وجلـْجلْ بصدْري الظلام وجودرْ بكلبي الحزن ونـْتَ تدري بها الدليل شما يعِنْ ذكركْ يحِنْ وبطّلتْ لا دمعه بخـْدودي التسيلْ ولا كَلبي بفراكَك يـِون ملاحظة :ـ تقرأ الكاف التي عليها فتحة قافاً أعجمية عبد الرسول معله
انتظار قبل وبعد العيد
العرض الشجري