لا صادر ولا وارد
بعيد انت َ
ودكلي شلون حالك
تعبني السؤال
ومرت الأيام
وأنا باقي انتظر يوصلني مرسالك
شكثر راح انتظر
وأشكد بعد اتناك
وأنت ولا سؤال ولا على بالك
جفاني النوم
لا غمض جفن لا نام
وأنا بنص نعيم تكول حسبالك
قلب واحد ألأملك
وأنت كاعد بيه
على كيفيك عليه يعذبه ترحالك
أحبك ما شفت مثلك
بهذا الكون ..
أحلى من الحلاة وماكو أمثالك
ألك عين الشمس
فوكآها هل العيد
ومثل ليل الشعر من أكعد أكبالك
تعال الحك عليه
وشوفني بيا حال
حال الضيم حالي ومو مثل حالك
شكثر وديت ألك
وأرسل رسايل ليك
فـَشَل كلي الجهاز .. ونام جوالك
ولك مل الرقم
يوميه أخابر بيه
يجاوبني الرقم مسدود نقالك
لا صادر ولا وارد
العرض الشجري