إيه مطلبى

إيه مطلبى
عارفاه أنا لكن بتوه
متغربة وكتير أوى متغربين
تايهين ورافضين الأعتراف
يمكن أنا رافضة وبفوء
عارفة الطريق
فى كيانى لو رافض يسلم للحبال
فى المشنقة المحبوكة
لكتير من البشر
اللى هناك
سرحت عيونها المغرمة
بزينات على بابها الحزين
عامل فرح
ملفوف بأيه
نطرح سؤال
يمكن يفوؤاالمغرمين
ملفوف بسلسلتين حديد لكنهم
باينين دهب
وساعات جواهر م البالى واللى بالك مشتقاين
ومفيش خوانة مصدقين
ومسلمين جوه السيوف
مسرور زكى
تلم سنان كل السيوف
ناعم قوى
والسم بيه كتير ينكوا
أصل الأيدين
مزروعة دم الفاسدين
شربت كتير
والزراعة فيها رعرعت
وأتفرعت
ومين عليها يلمها
ويلم جوانا الأمل
عطشان قوى
لمصارحة النفس الحزينة يرتوى
ويشوف حقيقة م الحياة
رافضة تكون جواها لو
نقطة عفن
شبعت خلاص
عايزة الخلاص
جوه إبتسامة قلبها
طمعانه فى اليوم الجديد
تعمل طريقها المختلف
عن كل من سابق لها
وتقولى ليه
عايزين يكونوا زى ضل
مافيهوش ولا بذرة نجاه
عايشين على هامش حياه
جوه لسان مقطوع مايعرفشى الكلام
شايفاه أنا وكارهة اللى كان
وأقوله أمتى تنطقك حتى الأشارة ف السلام
أمتى هيتفك اللجام
وتغير جواك المكان
ماتقولشى كان وكان وكان
أنت اللى جى ف الطريق
أصرح قوى
جوه الجدار
فين بصمتك
جوه الوشوش
مستنياك
وقت اللقى
نص الرسالة يكتمل
أخرة ف أيديك
قوم حررة
من أسرة لو مسكون
وساكن فى
الظروف المظلمة
فكر ك يقول فى المظلمة
ويبوح بسره
اللى طواه
يشرح رموز المسئلة
مفيش هنا
غير إننانسمع بشوق
نفهم قوى
كل الكلام
من بين حروفه المبهمه
يمكن ف يوم أو حتى شهر
من السنة
يبعد قوى كل الغموض
ويبان فى حل المسألة