هذا كورونه اجه وكلبي انكمش *** من سمعت اسمه أشو جسمي ارتعش ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ ارتعش جسمي والكلب مني خوه *** وكتي أظلم راح من عيني الضوه بوسط خوف وفزع دلالي انجوه *** دمع عيني عل الأرض شفته انفرش ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ اسأل ومحد على نشدي يجيب *** والعلاج انهزم مني مو كريب وكلبي نار ومشتعل بيه اللهيب *** والمرض بالناس فد بلشه بلش ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ من عطس يمي صديقي اتحيرت *** شرد اسوي تالي بالكاع بركت بلا وعي للقبله شو آنه اندرت *** من دعيت الله أشو كلبي انتعش ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ ادعيت ربي والدمع مني جره *** كتله ياربي علينه مكدره ربي هاي الناس كلها صابره *** والمرض برواحها ينهش نهش ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ لن اجاني صوت وانه بالمكان *** كلي هاي كرونه عدكم من زمان كل سياسي كرونه عدكم بهلوان *** اخطر من كرونه وبايده يهمش ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ كلي الزم بيتك وكثر الدعه *** تروح عنكم كل أمور الموجعه والدعه لكرونه لازم يكطعه *** ابمجرشه تلكاه ذايب منجرش ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ من سمعته انتعش دلالي وفرح *** كمت ادعي والكلب مني انشرح وبالدعه ياناس كل واحد ربح *** يروي مثل الماي من يروي العطش
كورونا والتحدي
العرض الشجري