يا دنيا زودتي همي..

يا دنيا زودتي همِّي

يا دنيا نشفتي ريقي

حريق حسّاه ف دمي

ولا نور يضوي ف طريقي

ولا قلب لقيته جنبي

يقاسمني ف ليل شجوني

ولا كلمة من حبايبي

تصبَّر غربة سنيني

يا دنيا إيه الحكاية؟!

ليلك ما بينتهيش

بتقولي الفرح بكرة

وبقول يا مين يعيش

نمشي والخطوة حايرة

كاسة وع الخلق دايرة

الضحكة ليه ف زمانا

ضايعة وملهاش وطن؟!

عايشين نسأل عليها

دابت وسط المحن

لو كان المال بينفع

كان رجَّع فرحنا

كان أمِّن خوفنا ولّا

كان دبِّل جرحنا

لا المال نشِّف دموع

ولا قاد لينا الشموع

ياللي بعدتوا عنّا

وجنِّتكوا ف قربنا

فاكرين هتروحوا منّا

ده حياتكم حبِّنا

ياللي الأوهام خانتكم

وهزمكم ضعفكم

مين هيحس بآلامكم

ويخاف على دمعكم

لو حتى فات سنين

مش هيموت الحنين

يا دنيا زودتي همي

يا دنيا نشفتي ريقي

حريق حسّاه ف دمي

ولا نور يضوي ف طريقي

بقلم/ ندى نصر