كام كلمة

وكام كلمة وكات حاضرة

ومن فم الجموع هادرة

ولا يمكن هاتمحيهم

على مر السنين فكرة

(الشعب يريد أسقاط النظام)

يريد الحقيقة ومش بالكلام

فهز الكراسى وداس المأسى

بدمه اللى سايل ف قلب الصدام

وليه الملامة علينا بقولك

علينا احترامه لأنه الأمام

وحكمه مطول ثلاثين النهاردة

وليه التشفى ده حبه التزام

فواحد يقولك راح اشطب قصايد

دا ياما ف نقده عملت العمايل

وواحد يقولك دا راجل خدمنا

عشان دقنا مره بعهد السلام

وتالت بدمعة سكينة وريا

ينادى كفاية ولاد المدام

أقولك حكاية

تعالى نقيسها ونحسب بمنطق

أصول الكلام

سجنا وماله دا ذنب المعارض

منعنا الوظايف ده أصل المواطن

دا زى القوارض

هايفضل ينخور يقدم عرايض

ويشكى اللى فوقه

ويرسم خرايط

ويبحث ينقب يعلم بلاد

بأن الحكاية تلال الفساد

وحقك علينا بلاش الوظايف

وحتى المعارضة

أقولك يا راجل ده حتى الجهاد

بقى له ف عهده

دعاية وصحافة وزى الجراد

تطرف عمالة

وأمن الرياسة بتكتب تزور

تذل العباد

أقولك بخاطرك بلاش كل دول

تعالى لدخل القنال اللى يكفى

لكل الشباب اللى هايم بصفى

يكلم ف نفسه وياكل ف كمه

يعد اللى فاضل من القرش صاغ

بيدخل ف جيبه ويصرف ما يقدر

يعد المحاسب ى يدين اللى راح

وبعد الفحوص وقلبت دماغ

ودم البطولة وأمنك فراغ

نلاقى فلوسنا ومن غير حدود

على كل مجرم بمليار تفوت

ولجل المواطن م ياكل له لقمة

يعالج مريضه يجوز بنات

بيلحس ترابه ويشرب مراره

يدور ألف دورة يعد ف ساعات

ولما الموظف يتم الأمانة

ويبلغ من العمر قرب الممات

يقولوا معاشك هايبقى انتعاشك

نضارب نتاجر بحلم المئات

وتبقى الخسارة وننسى الكرامة

بلاش التجنى وشغل الحوات

وهرب لبرة سويسرا وخبرة

وسيطر بقوة وقهر وفتوة

وغير ف جلدك وكسر عظام

وبعتر فتاتك وركع شبابك

وخوف وزلزل ووقع خصام

ولساك تبحلق ف وشى وساكت

وردك تقوله بلوم ال ..... شتام

يا صحبى يا جارى يا أبنى يا دارى

محاكمة حرامى وقائد عصابة

دى هى الحقيقة وفصل الكلام

وحتى وريثه وصاحب فلوسه

وأسرة سعادته وأم الظلام

دا ميزان عدالة

وغيره هاينزل بأى احترام

وغيره هاينزل بأى احترام