مواساة لمن فقد والدته

مهداة الى التي كرمها الباري عز وجل وجعل الجنة تحت اقدامها

الوم الروح يمة لون تنساج
يضي عين الليالي بعمري تبقين

نسولف بيج شما غبتي من العيون
نشوفج ذيج امنا شما تغيبين

ياجفن السهر يل ما غفا بيوم
كَضيتي العمر مهمومة وتضحكين

تلاكَينا بفرح وبكَلبج الآه
وآلامج دفن من عدها تغفين

نضل شما كبرنا بذكرج صغار
وما نعذر غيابج من تبعدين

عليج بلهفة نسئل وقت الغروب
ويضكنا الليل ننطر مساكين

يتامى وعيدنا شوفتج بالدار
مثل وجه الكمر يايمة تضوين

طفت بيج المسرة بيوم الوداع
مكدرة خلاف عينج كل السنين

ما مرنا الفرح من رحتي لليوم
تره مابطل دمعنا وتهمل العين

نحمل دليلج وندري الفراك
ونحس بالكبر يايمة تبجين

ياريت العمر يمة اتمدد وياج
على جفوفج الطيبة وعوف الونين

يعونه الكبر يمة بحضنة لفاج
ضمج بالثرا شدة رياحين

أنا بعازة دعائج كلبي مهموم
تزول همومي لو جفج ترفعين

جانت بيج روحي تلود بالضيم
الج افزع وأطيب وروحي تشفين

هسه ألمن أصدن يمة العيون
ونا بعازة دعائج يحبيبة تدرين

لا صوتج يرد لا انتي بالدار
وأناديج بحزن يايمة جاوين

عليج أبجي وذكرت بحزني وياج
حزن كلب الحسن (ع) وهموم الحسين (ع)
حزن كلب الحسن (ع) وهموم الحسين (ع)