وحكَ البيت واليمة والعظام أحبك وبكثر حزني ولع ضام يفز جلدي من أشوفك والعظام ترجف بس تحط ايدك عليه
اذا ماتدري هاي الخلك سلها بعدك والصدود الروحي سلها مثل السهم سأله شلون سلها وخلاني أخاف من الأذيه
يهل رايح لهلنَه سلم ألنَه الليالي بيد غربَه سلمنَه عنبنَه وما حوينَه سلَه منَه خسرنَه العنب والسلة سوية
شحلاتَه الشعر لمن طلع من فاك ويضل بابك لعد الخير منفك أذا أنت ببلاد الغير منفاك الوطن صار بغيابك منفَى ليَه
الشوك وياك صدفة قابلاني شيجي منك عليَه قابل آني تقشمرني بضحكتك قابل آني غشيم وتعبر الضحكة عليَ
ميفيد الحجي علمضه والراح وحتى لو صفكت الراح والراح من شفتك عرفت الفرح والراح كلي اشغيرك ولفي عليه
مالمتني **** عجزمن شيل هدمي *&* مالمتني وعلي ضاكت الوسعة *&* مالمتني لون تدري الوادم *&* مالمتني لها الظاهر وانه النيران بيه حالي **** انه ارداي الونين اشكثر *&* حالي عييت وهل شبت من دون *&* حالي يعمي اشلونه حالج مثل *&* حالي طايح والنوايب ترس بيه -------------------------------
ابكلبي مابكت يهواي همه فوك الكمر والله ازداد همه انصبت للروح آنه بيوت همه حتى ماتظل تعتب عليه
انه الكضيت عمري بلاله ,,, لاله وابد ما يوم كتلك ,, لاله ,,,, لاله لان وجهك شمس والوجنه , لاله من تجفي الوكت يظلم عليه
يمر طيفك ورد وامطار وانهار وببعدك حبيبي روحي تنهار أرد باسمك يغالي ليل ونهار لوعني الحنين شلون بيَّـه
رد: الأبوذية
العرض العادي
