دارميات عراقية 3

كل جمعه يامحبوب جنه نتلاكه

من سافرت لليوم روحي مشتاكه

ابيت عمك كل جمعة يا محبوب
تسألني عمي..تراها صارت غروب
يوليدي اكلك..من ريحة ابوك تحرمني
جانت جمعة اخيرة ما ادري بعد ابوك النوب
يم علي موصي امانة..تدري جنك ضحية حروب

عليكم يعود بخير يانبع الأحباب

كل مسه وكل صباح ياريح الأطياب

من سافرت لليوم ما وقف دمعي
وانسيت كل الناس حت هلي وربعي

انسيت كل الناس الله وكيلك
انت الضوه للعين شلون اجيلك

انت الضوى للعين وللكلب بهجة
يلشوفتك يا زين بعدال حجة

اسألت كل الناس عنك يغالي

بس الله يامزيون يعرف ابحالي

لا فاد بيك التعب لا فاد العتاب
خاين وكَلبي الوفي منك ولا تاب

بيك العتب ما فاد وضاع التعب بيك
قربة وطرف مثقوب ما ينّفخ بيك

خاين وكلبي بيك هايم يمزيون

من دون كل الخلك حبك يمجنون