زماني لاتظل واكف ولك دور الغيرك اكتب الفضة ولك دور دارا بنيت للوادم ولك دور منتظريك يلجيتك هديه
هاك كلبي بيدك حيل طحنه امس فوك النجم واليوم طحنه شبينه يا ناس بالهوى طحنه رديه كلوبنه تحب الاذيه (منقول)
بربي آمنت تقوى وبداهه طريق الخير انته اللي بداهه وللشر انته كصيته بداهه وتالي حسدتك هاي البريه
زماني بقوه يسحبني وجربه صديقك عامله وشوفه وجربه صحيحه ابعدها عن مره وجربه لأن تنعدي وتتأذى خطيه
الخلك للشامت اتشوفه كضبه بس بالشين افعاله كضبه العدس للي ميدري يشوفه كضبه ويكول الوكت هم خان بيه
بحجي العذال مهتم من يردني بمضايف ماشفت أحد يردني اكولن والحجي شاهد يردني بين الربع صار الفصل اليه
وطنه هذا أصيل أجداد وعراك مينه كالعطر من يكع وعراك قسمت بالحمزه والعباس وعراك لراوي العده اسباب المنيه
الزمن وزع عليه الألم بسهام وحصتي صفت بين الناس بسهام كلبي صوبه ياصاح بسهام خلاني عليل وفتك بيه
بلادي بيها عذبة اجبال وانهار بيها اتغزل آنه بليل وانهار كل اللي بنيته انهدم وانهار والشامت أشوفه فرح بيه
بالكلب لهواي مو بالعين شفته ومثل قرص الشمس بهداي شفته حجت عينه وكبل ما تحجي شفته مرد كلبي من اكبل عليَّ
رد: الأبوذية
العرض العادي
