ليش اجيــــك

ليــش أجيــك ؟؟

===========
ليش أجيــك ..؟
انت زنزانـة سجن مهجــور وأظلـم
ليش أجيــك..؟
وليش أخلّــص عمــري بيــك ؟
إنت شهـﮔـة موت مـرة..
ومـات ﮔـلبي بين اديــك
أنت...
صـرت لغيري كـراس ودواة..
شما يحب يرسم عليـك
يالصرت بعيـوني أخرس...
ونغم چـلماتـك ثـﮔيل..
ما يهـزني الشوگ ليـك
أدري أحبـك..
بس لـﭼـم ﮔـلبي سكوتـك
من سـألتـك
زغـر فيّي ؟؟
لـو ﮔـرب فيّ غيري ليـك ؟
وأنت سـاكت...
ﭽـانت عيـونـك تسولف..
سمعتّني شـﮔـد حـﭽي مدفون بيـك
كافي ما يسـوه المعـاتب ما أجيـك
ﭽـنت عـاشـك مستحـاك...
ومـات بيـك المستحـه...
ﭽـا بيش أسومـك وأشتـريـك ؟؟
مــاااااااااا أجييييييييييييييك

الله الله
احسنت شاعرنا .. جميل جدا
تحياتي

نص جميل

تحياتي

بس تعال
تلگله عندي الدنيا
أنهار ومحبة
وعالجرف نبتت زهور
والبلابل من فرحها
داعبت خد المطر
ويه الطيور
لا تعاتب
بس تعال
آنه وانت روح وحدة
وآني أيام البعد موتتلي گلبي
ولو ردت أحسبها كلها
تطلع الحسبة شهور
بس تعال
آني منتظرة تجي وكت الفطور
حتى تحله اللمة كلنا
وننسى أيام الحزن
ونوفي النذور


المعذرة لحروفي
رمضانك مبارك بالخير
تحياتي

الى الاخت عواطف عبد اللطيف مع التحية . اشكرك لذوقك الرفيع
وأقول :
وتردين..؟؟
هيچ آنه بخيت وباچـر تردين
أطش روحي على وسع الـﮔـاع..
وأضحكلـﭺ ضحك عمريـن
إتردين..؟؟
أمحـﭼـل شوفي بعيونـﭺ
عشـگ ماي وي جـرف الطين
إتردين..؟؟
تلـﮔيني عطـر نعناع ..
مـدفون بحلاة التين
هـلـه..
ﮔـالولي مشتاﮔــه..
اجتك شايله الفرحـه على طرف العين
اجتك تطوي الولايات ..
تنـﮔـل عل جدم جـدمين
وتانيلتـچ..
أشد عيوني مصلوبة ..
على السـﭼـه..
وعلى الشط..
وعلى الحرثـه..
يهلبت منهن تمرين
مريني ..
شربني الـﮔـيظ ..
وأنتي الحـال بعيونـچ ربيعي سنين
مريني..
نذرني الليل هم ودموع
سلاني سلال شموع
فرهدني العطش ولمايـچ متانين
ما اتردين؟؟

لا تجيني ولا اجيك ..ولا تحط ايدي باديك
هي شهكَة موت صارت .. يل بعت ما اشتريك
.....
طيب الله انفاسك وطاب احساسك يا ذهب
دامت حروفك ملهمة

امتناني لحضورك البهي اخي عامر
متمنيا لك عيدا سعيدا آمنا

جميل ما سطره يراعك
أعطر التحايا

قلمك الاجمل دائما
شكرا لحضورك الكريم اخي ناظم

ومن أجمل منك يا جميل

عامك سعيد يا نجار