حضن بغداد گلب امي ووريده كلما اكبر ادور عليه واريده وگلبي من البعد صاير مريده راح بعيد وظلَّمت عليه
حبيبي عد خواله أمس ما بات محلق عد عمامه لعب وبات وبحبه الي دوخني مابات دمعي من صدوده يهل عليه
حبيبي من هجرني لسه مايه ليالي الهجر وصلن لعد مايه دمعي هلتشوفه نشف مايه وتدري بيه ما أحمل خطيه
كلبي للشماته دوم يابه يصيح بصوت عالي ولك يابه منهو اللي علي الولف يابه بعذب بالكلب صبح ومسيه
زرعت روض الكلب أزهار وأوراد أقدمها الحبيبي شطلب أو راد بالليل اقره بس ادعيه وأوراد بلكي الحلو يوم يحن عليه
يرتاح الدلالك كلبي والعين دمعي مثل ماي البحر والعين شكد خلوا علي جاسوس والعين مايردون نمشي احنه سويه
عسى أيام الهجر راحت ولا جت روحي عله الولف ونت ولاجت جف دار المحب لامي ولاجت وحدي بكيت بس اصفك بديه
اون عليك طول الليل بيداي سكيتك مي ورد ياحلو بيداي لجل شوفك كطعت انهار بيداي تالي تروح متسلم عليه
تعال اسكن وسط كلبي هوا لك عمره ما هوه غيرك هوالك نعمه من الزمن انه هوا لك نعيش بفرح منشوف الأذيه
كليبي جاب لي ولفي وجمعه لنثر ورد بدروبه وجمعه غاب السبت والأحد وجمعه ومن يرجع لطشله واهليه
رد: الأبوذية
العرض العادي
